මේ වනවිට YouTube වීඩියො නරබන ඔබට වීඩියෝවක් ආරම්බයේ, මදක් නරබන විට හා අවසානයේදී ඇඩ් දැකගන්න ලැබෙනව. ඒ ඔබ නොමිලේ ලබාදෙන YouTube සංස්කරණය බාවිතා කරන පරිශීලකයෙක් නම්. මේ ආකාරයට YouTube සමාගම දිගින් දිගටම විශාල වශයෙන් ඇඩ් පෙන්වීම මගින් පරිශීලකයන්ව ඔවුන්ගේ ප්රීමියම් සංස්කරණය මිලදී ගැනීමට පෙලබවීමක් කරනවා.
මේ ආකාරයට ඇඩ් පෙන්වීමේ මීලග අදියර ලෙස ඔබ වීඩියෝවක් නරබමින් සිට නැවැත්වූ විට(pause) ඇඩ් පෙන්වීමේ නව ක්රමයක් මේ වනවිට YouTube සමාගම අත්හදා බලමින් සිටිනවා. එවිට ඔබ වීඩියෝවක් නරබමින් සිට නැවත එය ප්ලේ කිරීමට පෙර ඇඩ් එකක් පෙන්වීම මෙමගින් සිදුවෙනවා.
ඔබ නරඹමින් සිටි වීඩියෝව නවත්වා ඇති විට වෙළඳ දැන්වීම් තිරය මත දිස්වෙනවා. වීඩියෝව නැරඹීම නැවත ආරම්භ කිරීමට ඔබට එම දැන්වීම ඉවත දැමීමට අවශ්ය වනු ඇත. මෙය හුරුපුරුදු බවක් පෙනේ නම්, එසේ වන්නේ Hulu මගින්ද මේ ආකාරයට දැන්වීම් පෙන්වීම සිදුකරන නිසයි.
මේ ආකාරයට දැන්වීම් සෑම කෙනෙකුටම පෙන්වන්නේ කවදාදැයි නිශ්චිත දිනයක් තවමත් නැහැ. නමුත් මූලික පරීක්ෂණ ධනාත්මක බැවින්, ඒවා ඉක්මනින්ම දැකගන්න ලැබෙයි. YouTube දැනටමත් දැන්වීම් ස්ථානගත කිරීම සම්බන්ධයෙන් තරමක් ආක්රමණශීලී වී සිටිනව. ඔවුන් පසුගිය වසරේ මඟ හැරිය නොහැකි තත්පර 30 දැන්වීම් හඳුන්වා දුන්නා. ඔවුන් මෑතකදී ඇඩ්බ්ලොකර් සහ තෙවන පාර්ශවීය යෙදුම් ද බාවිතා කිරීමේ හැකියාව ඉවත් කර තිබෙනවා.
Leave a Reply