ටොප්ස්පින් ටූකේ ටුවෙන්ටි ෆයිව් යනු, යථාතත්ය ටෙනිස් ක්රීඩකයෙක් හසුරුවමින් ජාත්යන්තර මට්ටමේ තරගාකෘතිවලට සහභාගි විය හැකි මාදිලියේ ටෙනිස් සිමියුලේටර් පරිගණක ක්රීඩාවක්.
මෙහිදී ලෝක ප්රකට ටෙනිස් ක්රීඩකයින්ගේ අනුරූ සමඟ ක්රීඩා කිරීමට පරිගණක ක්රීඩකයාට ඉඩ ලැබෙනව. ක්රීඩාව ආරම්භයේදීම තමන්ට කැමති ගුණාංග එක්කරමින් ටෙනිස් ක්රීඩකයෙක් නිර්මාණය කර ගත යුතු වෙනව. ඒ සඳහා අවශ්ය පෙර සැකසුම් නිර්මාණ මෙන්ම මෙවලම් ක්රීඩාව තුළින් ලබාදී තිබෙනවා.
ක්රීඩකයා නිර්මාණය කර ගැනීමෙන් පසුව, ක්රීඩාවෙන්ම සපයා තිබෙන ටෙනිස් ක්රීඩා ඇකඩමියට ඇතුළත් විය යුතුයි. මෙහිදී තම ටෙනිස් ක්රීඩකයා පාලනය කරන ආකාරය පිළිබඳව පරිගණක ක්රීඩකයාට පුහුණුවක් ලැබෙනවා. විවිධ ටෙනිස් ප්රහාර, ඉරියව් යනාදිය පාලනය කරමින් ක්රීඩකයා මෙහෙයවන ආකාරය මෙවිට පරිගණක ක්රීඩකයාට උගත හැකියි.
පුහුණුව සම්පූර්ණ කරන තම ක්රීඩකයා පෙන්වන දක්ෂතාව අනුව, ප්රදර්ශන තරග සහ සාමාන්ය මට්ටමේ තරගවලට තම ක්රීඩකයා සහභාගී කරවීමට පරිගණක ක්රීඩකයාට පුළුවන්. ඉන්පසුව ලබා ගන්නා ජයග්රහණ සහ ලකුණු අනුව ජාත්යන්තර මට්ටමේ තරගවලට සහභාගිවිය වෙන්න පුලුවන්. මෙසේ දක්වන දක්ෂතා මත ලෝක ටෙනිස් ශූරයින් වන රොජර් ෆෙඩරර්, සෙරීනා විලියම්ස් වැනි ක්රීඩක ක්රීඩිකාවන්ගේ අනුරූ සමඟද ක්රීඩා කරන්න පුලුවන්.
ජාත්යන්තර ටෙනිස් තරග නීති රීති මෙන්ම ක්රීඩාවේදී භාවිත කරන තාක්ෂණික උපක්රම යනාදී සියල්ල භාවිතා කළ හැකි සේ, මෙම ටොප්ස්පින් ටූකේ ටුවෙන්ටි ෆයිව් ක්රීඩාවේ තාක්ෂණය දියුණු කර තිබෙනවා. මේවා නිසි සේ භාවිතා කර තරග ලකුණු ලබා ගත හැක්කාක් මෙන්ම, ක්රීඩා විනය කඩ කළහොත් දඩ ගෙවිය යුතු වෙනවා. එසේම ටෙනිස් ක්රීඩාවේදී ක්රීඩකයින්ට බහුල වශයෙන් වෙන අනතුරු අවස්ථා පවා මෙහි ප්රතිනිර්මාණය කර තිබෙනවා. එනම් වැරදි ඉරියව්වකට ක්රීඩා කළොත්, එවිට විය හැකි අනතරු මෙහිදීද සිදුවෙනවා. මෙසේ ක්රීඩකයෙක් අනතුරකට පත් වුවහොත් ඔහු විවේක ගන්වනවා. එවිට ක්රීඩාවෙන් ලද හැකි ලකුණු සහ ප්රවීනතාව අඩු වෙනවා.
ත්රිමාන රූපී සජීවීකරණ ග්රැෆික් පාදක කර ගෙන ටොප්ස්පින් ටූකේ ටුවෙන්ටි ෆයිව් පරිගණක ක්රීඩාව නිර්මාණය කර තිබෙනවා. ජාත්යන්තර මට්ටමේ ටෙනිස් ක්රීඩකයින් ත්රිමානරූපීව නිර්මාණය කර ඇත්තේ ඔවුන්ගේ සැබෑ රුව මෙන් පෙනෙන පරිදියි. ඒ, එම ක්රීඩකයින්ගේ ක්රීඩා විලාස, හැසිරීම වැනි අනන්ය ලක්ෂණද ඉතා සියුම් ලෙස ත්රිමානරූපීව නිමවමින්.
ක්රීඩා පිටි නිර්මාණයද ඉතා උසස්. ඒවා දෙස බැලූ විට එක්වනම පෙනෙන්නේ සැබෑ ක්රීඩා පිටි මෙන්. ඒ ඒ ක්රිඩාංගණවල ප්රේක්ෂකයින් සිටින අයුරු පමණක් නොව ක්රීඩාවට ඔවුන් ප්රතිචාර දක්වන ආකාරය පවා පෙනෙනවා.
Leave a Reply