අලුත්ම තොරතුරු වලින් දැනගන්න ලැබෙන්නෙ Instagram සදහා මෙටා සමාගම අලුත් විශේෂාංගයක් හදුන්වා දෙන්න සූදානම් වෙනවා. ඒ තමයි Instagram පෝස්ට් වලට අපි දාන comments, Threads වලත් ශෙයා කිරීමේ හැකියාව. මේ ගැන මුලින්ම තොරතුරු පලකර තිබුනේ Alessandro Paluzzi විසින්. ඔහු Reverse engineer කෙනෙක් විදියට ප්‍රසිද්ධියක් උසුලන අයෙක්. Reverse engineer යනු නිෂ්පාදනයක් හෝ උපාංගයක් එය සෑදූ ආකාරය ඉගෙන ගැනීමට හෝ සමාන දෙයක් නිර්මාණය කිරීමේ අරමුණින් එය විසුරුවා හැර විශ්ලේෂණය කරන අයෙකුටයි.
Alessandro Paluzzi පළකර තිබුනු පෝස්ට් එකකට අනුව මේ අලුත් අප්ඩේට් එකෙන් Instagram තුල comment කරන විට අලුත් dropdown menu එකක් දක්නට ලැබෙනවා. එහි “comment only to Instagram” හෝ “Also share on Threads” යන ඔප්ශන් දෙක තිබෙනවා.
මෙටා සමාගම මීට කලිනුත් Threads අනෙක් ඇප්ස් වන Facebook සහ Instagram සමග එක්ව තොරතුරු බෙදාගත හැකි ආකාරයට විවිධ විශේෂාංග හදුන්වා දුන්නා. ඒ අතර Threads පෝස්ට් Instagram සහ Facebook ඇප් වල දිස්වන ආකාරයට වෙනස්කම් සිදුකලා. මීලගට බොහෝවිට මේ ඇප් තුන සමග එක්ව තොරතුරු බෙදාහදා ගතහැකි ලෙස Whatsapp සහ Messenger ඇප්ස් වෙත විශේෂාංග හදුන්වා දෙන්න මෙටා සමාගම කටයුතු කරනු ඇත.
Leave a Reply